Futbol üzrə Azərbaycan millisi bu gün UEFA Millətlər Liqasının 2024/25 mövsümündəki ilk sınağında İsveç yığması ilə qarşılaşıb.
Arena.az xəbər verir ki, C Liqasında mübarizə aparan bu komandalar 1-ci qrupun ilk turu çərçivəsində Bakıda üz-üzə gəliblər.
Tofiq Bəhramov adına Respublika stadionunda təşkil olunmuş görüşü Macarıstandan olan hakimlər briqadası idarə edib.
Oyuna yığmamız daha fəal başlasa da, bu üstünlüyünü hesabda əks etdirmək mümkün olmayıb. Hətta ilk hissənin sonunda komandamız penalti vurmaq hüququ da qazanıb. Amma nöqtəyə yaxınlaşan Ramil Şeydayev bu şansı boşa verib. Rəqib qapıçı onun zərbəsini dəf edib.
İkinci hissədə isə isveçlilər istəklərinə çatıblar. Son yarım saatda üç qol vuran qonaqlar inamlı qələbəyə seviniblər. Yığmamızın gücü yalnız təsəlli qoluna çatıb.
Azərbaycan millisi növbəti oyununu sentyabrın 8-də səfərdə Slovakiya yığmasına qarşı keçirəcək.
UEFA Millətlər Liqası
C Liqası, 1-ci qrup
5 sentyabr
Azərbaycan – İsveç 1:3
Qollar: Aleksander İsak, 65; 71. Viktor Qyokereş, 80-pen – Renat Dadaşov, 82.
Matçın 45+7-ci dəqiqəsində Ramil Şeydayev penaltidən yararlana bilməyib (qapıçı).
Baş hakim: Balaş Berke
Baş hakimin köməkçiləri: Vencel Tot, Balaş Sert
Dördüncü hakim: Çaba Pinter (Hakimlər briqadası Macarıstandandır).
Bakı. Tofiq Bəhramov adına Respublika stadionu. Saat 20:00.
Azərbaycan: 23. Mehdi Cənnətov, 3. Elvin Cəfərquliyev, 4. Bəhlul Mustafazadə, 7. Coşqun Diniyev (10. Ozan Can Kökçü, 75), 8. Emin Mahmudov (k) (18. Ceyhun Nuriyev, 69), 9. Renat Dadaşov, 11. Ramil Şeydayev (19. Nəriman Axundzadə, 83), 15. Bədavi Hüseynov, 17. Toral Bayramov, 20. Aleksey İsayev (16. Elvin Camalov, 83), 22. Abbas Hüseynov (2. Amin Seydiyev, 83).
Ehtiyat oyunçular: 1. Rza Cəfərov, 12. Yusif İmanov, 5. Şəhriyar Əliyev, 6. Emil Mustafayev, 13. Rahil Məmmədov, 14. Rüstəm Əhmədzadə, 21. Xəyal Nəcəfov.
Baş məşqçi: Fernando Santos.
İsveç: 12. Viktor Yohansson, 2. Aleks Duqlas (7. Lukas Berqvall, 72), 3. Linus Valqvist (8. Yens Kayuste, 72), 4. İsak Hin, 6. Ludviq Auqustinsson, 9. Aleksander İsak, 11. Antoni Elanqa (13. Ken Sema, 46), 17. Viktor Qyokereş, 18. Yasin Ayari (15. Karl Starfelt, 72), 19. Mattias Svanberq (14. Anton Saletros, 64), 21. Deyan Kuluşevski (k).
Ehtiyat oyunçular: 1. Yakob Zetterström, 23. Kristoffer Nordfeldt, 5. Edvin Kurtuluş, 10. Qustaf Nilsson, 16. Niklas Eliasson, 20. Uqo Larsson, 22. Sebastian Nanasi.
Baş məşqçi: Yon Dal Tomasson.
