Almaniya millisinin sabiq müdafiəçisi Filipp Lam “Bayern”in belçikalı mütəxəssis Vensan Kompaninin rəhbərliyi altında çıxışından danışıb.
Arena.az Lamın bu barədə qənaətini təqdim edir:
“Onlar təkmilləşiblər. Vensan Kompaninin bacardığı xüsus aydınlıq gətirmək idi.
İndi də vaxtaşırı gördüyünüz kimi, bizim hələ görüləsi işlərimiz var”, deyə Lam bildirib.
Filipp Lam Münhen klubunun UEFA Çempionlar Liqasının 2025-ci ilin may ayının 31-də Münhenin “Allyans Arena” stadionunda keçiriləcək final oyununa çıxması imkanını da qiymətləndirib:
“Bayern”in finala çıxmaq imkanı varmı? Məncə, bəli. Məncə, UEFA Çempionlar Liqasının yeni tərtibatı çox maraqlıdır. Yeri gəlmişkən, mən bunu səbirsizliklə gözləyirdim”, deyə Lam vurğulayıb.
Xatırladaq ki, 2024-cü ilin may ayının sonunda “Bayern” 38 yaşlı belçikalı mütəxəssis Vensan Kompani ilə müddəti 2027-ci ilin iyun ayının sonuna qədər qüvvədə olacaq müqavilə imzalayıb. Belçikalı mütəxəssis alman mütəxəssis Tomas Tuxeli əvəzləyib. Almaniya nəhəngi Kompaninin qarşısında “Bayern”i düşdüyü bərbad vəziyyət qurtarmaq, qənimətlər uğrunda əvvəlki tək mübarizə aparan iddialı kollektivə çevirmək tapşırığını qoyub.
Çalışdırdığı müddətdə Kompani Almaniya nəhəngini 24 oyuna çıxarıb, 17 qələbə, 3 heç-heçə və 4 məğlubiyyət yaşayıb. “Bayern” bu oyunlarda 72 qol vurub, 22 top buraxıb.
15 turdan sonra “Bayern” 1364 xalla Bundesliqanın yarış cədvəlinin zirvəsində qərarlaşıb. Komanda 11 qələbə qazandığı halda 3 heç-heçə edib, 1 məğlubiyyətə üzülüb.
“Bayern” UEFA Çempionlar Liqasının Liqa mərhələsində də 6 oyuna 4 qələbə qazanıb, 2 heç-heçə edib. 12 xalı olan Almaniya nəhəngi turnir cədvəlinin 10-cu pilləsində qərarlaşıb.
