Formula 1 üzrə dünya çempionatının 2023-cü il mövsümünün təqvimi açıqlanıb. Arena.az xəbər verir ki, bu barədə Beynəlxalq Avtomobil Federasiyasının (FIA) rəsmi saytı məlumat yayıb.
Mövsüm martın 5-də Bəhreyn qran-prisi ilə start götürəcək və noyabrın 26-da Birləşmiş Ərəb Əmirliklərinin paytaxtı Abu-Dabidəki yarışla başa çatacaq. Cari mövsümlə müqayisədə təqvimə 2 yeni yarış – Las-Veqas və Çin qran-priləri əlavə olunub. Beləliklə, 2023-cü ilin dünya çempionu 24 qran-prinin yekununda müəyyənləşəcək.
Azərbaycan qran-prisi mövsümün 5-ci yarışı olacaq. Bakıdakı yarış 28-30 apreldə təşkil ediləcək. Xatırladaq ki, daha əvvəl 2018-ci və 2019-cu il qran-priləri həmin tarixə təsadüf edib. Azərbaycanda 2017-ci ildən təşkil olunan yarışın digər mərhələləri isə iyunda keçirilib. Bakı trasındakı son qran-pri bu il 10-12 iyunda gerçəkləşib. Yarışın qalibi “Red Bull”un Niderlanddan olan pilotu Maks Ferstappen olub.
Formula 1 üzrə 2023-cü il dünya çempionatının təqvimi
- Bəhreyn qran-prisi – 5 mart
- Səudiyyə Ərəbistanı qran-prisi – 19 mart
- Avstraliya qran-prisi – 2 aprel
- Çin qran-prisi – 16 aprel
- Azərbaycan qran-prisi – 30 aprel
- Mayami qran-prisi – 7 may
- Emilya-Romanya qran-prisi – 21 may
- Monako qran-prisi – 28 may
- İspaniya qran-prisi – 4 iyun
- Kanada qran-prisi – 18 iyun
- Avstriya qran-prisi – 2 iyul
- Böyük Britaniya qran-prisi – 9 iyul
- Macarıstan qran-prisi – 23 iyul
- Belçika qran-prisi – 30 iyul
- Niderland qran-prisi – 27 avqust
- İtaliya qran-prisi – 3 sentyabr
- Sinqapur qran-prisi – 17 sentyabr
- Yaponiya qran-prisi – 24 sentyabr
- Qətər qran-prisi – 8 oktyabr
- ABŞ qran-prisi – 22 oktyabr
- Meksika qran-prisi – 29 oktyabr
- Braziliya qran-prisi – 5 noyabr
- Las-Veqas qran-prisi – 18 noyabr
- Əbu-Dabi qran-prisi – 26 noyabr
