Bu gün Formula 1 üzrə dünya çempionatında 2025-ci il mövsümünün növbəti mərhələsi – 2-ci qran-prisi baş tutub.
Arena.az xəbər verir ki, yeni mövsümün ikinci qran-prisi Şanxay şəhərində təşkil olunub.
Çin qran-prisi “Maklaren”in pilotu Oskar Piastrinin qələbəsiylə yekunlaşıb. Avstraliyalı 23 yaşlı pilot 56 dövrəlik yarışı ilk sırada bitirib. Bu, onun cari mövsümdə ilk, karyerası ərzində 3-ci qələbəsidir.
Cari mövsümün ilk qran-prisinin qalibi olmuş “Maklaren”in digər pilotu Lando Norris isə bu dəfə son dövrədə əyləc probleminə baxmayaraq, ikinciliyini qorumağı bacarıb. İlk üçlükdə son pillə Corc Rasselə (“Mersedes”) qismət olub.
Son 4 ilin çempionu Maks Ferstappen (“Red Bull”) sona 5 dövrə qalmış Şarl Lekleri (“Ferrari”) keçməklə 4-cü yeri tutub.
Bu mərhələdən sonra Lando Norris 44 xalla liderdir. Maks Ferstappen 36 xalla ikinci pillədə qərarlaşıb. 3-cü yerdə gedən Rasselin 35, ardınca qərarlaşan Oskar Piastrinin isə 34 xalı var. Komandaların çempionatında “Maklaren” 78 xalla birincidir.
Formula 1 üzrə dünya çempionatında 2025-ci il mövsümünün növbəti – 3-cü qran-prisi Yaponiyada keçiriləcək. Suzuka şəhərində baş tutacaq bu yarış aprelin 6-da təşkil olunacaq.
Dünya çempionatı, 2025
Pilotların yarışında turnir cədvəli:
- Lando Norris (Maklaren) – 44
- Maks Ferstappen (Red Bull) – 36
- Corc Rassell (Mersedes) – 35
- Oskar Piastri (Maklaren) – 34
- Kimi Antonelli (Mersedes) – 18
- Şarl Lekler (Ferrari) – 18
- Luis Hamilton (Ferrari) – 17
- Aleksander Albon (Uilyams) – 12
- Lens Stroll (Aston Martin) – 8
- Esteban Okon (Haas) – 6
- Niko Hulkenberq (Zauber) – 6
- Yuki Tsunoda (Rasinq Bulls) – 3
- Oliver Berman (Haas) – 1
- Pyer Qasli (Alpin) – 0
- Karlos Sayns (Uilyams) – 0
- İsaak Hacar (Rasinq Bulls) – 0
- Liam Louson (Red Bull) – 0
- Cek Duen (Alpin) – 0
- Qabriel Bartoleto (Zauber) – 0
Mühəndislər Kubokunda xal sıralaması:
- Maklaren – 78
- Mersedes – 53
- Red Bull – 36
- Ferrari – 35
- Uilyams – 12
- Aston Martin – 8
- Haas – 7
- Zauber – 6
- Rasinq Bulls – 3
- Alpin – 0
