Formula 1 üzrə dünya çempionatında 2022-ci il mövsümü davam edir. Arena.az xəbər verir ki, bu gün mövsümün 13-cü qran-prisi baş tutub.
Modyorodda təşkil olunmuş Macarıstan qran-prisi sonuncu dünya çempionu, bu mövsümün lideri olan Maks Ferstappenin qələbəsiylə yekunlaşıb. Niderlandlı sürücü 70 dövrəlik yarışda 1:39:35.912 göstərici ilə birinci olub. Bu, onun cari mövsümdə 8-ci belə zəfəridir.
“Mercedes”in təcrübəli pilotu, 7 qat dünya çempionu Luis Hamilton bu dəfə də yarışı 2-ci sırada bitirib. Onun komanda yoldaşı Corc Rassel isə 3-cü olub.
Beləliklə, 13 turdan sonra Maks Ferstappen 258 xalla liderliyini qoruyub. Şarl Lekler 178 xalla 2-ci sırada qalıbsa, Serxio Peres də 173 xalla 3-cü pillədəki mövqeyini qoruyub.
Konstruktorların mübarizəsində də “Red Bull” 431 xalla zirvədə qərarlaşıb. “Ferrari” 334 xalla ikincidir. İlk üçlüyü 304 xalı olan “Mersedes” qapayır.
Formula 1 üzrə dünya çempionatında 2022 mövsümünün növbəti qran-prisi Belçikada keçiriləcək. Sözügedən yarış avqustun 28-də Stavelot şəhərində baş tutacaq.
Turnir cədvəli
Pilotların yarışında turnir cədvəli:
- Maks Ferstappen (Red Bull) – 258
- Şarl Lekler (Ferrari) – 178
- Serxio Peres (Red Bull) – 173
- Corc Rassell (Mersedes) – 158
- Karlos Sayns (Ferrari) – 156
- Luis Hamilton (Mersedes) – 146
- Lando Norris (Maklaren) – 76
- Esteban Okon (Alpine-Reno) – 58
- Valtteri Bottas (Alfa Romeo) – 46
- Fernando Alonso (Alpine-Reno) – 41
- Kevin Maqnussen (Haas) – 22
- Daniel Rikkardo (Maklaren) – 19
- Pyer Qasli (Alfa Tauri) – 16
- Sebastyan Fettel (Aston Martin) – 16
- Mik Şumaxer (Haas) – 12
- Yuki Tsunoda (Alfa Tauri) – 11
- Jou Quanyu (Alfa Romeo) – 5
- Lens Stroll (Aston Martin) – 4
- Aleksander Albon (Uilyams) – 3
- Nikolas Latifi (Uilyams) – 0
Konstruktorların xal sıralaması:
- Red Bull – 431
- Ferrari – 334
- Mersedes – 304
- Alpine-Reno – 99
- Maklaren – 95
- Alfa Romeo – 51
- Haas – 34
- Alfa Tauri – 27
- Aston Martin – 20
- Uilyams – 3
