2021/22 mövsümündə Fransanın 1-ci Liqasında mübarizə aparacaq daha bir klubun adına aydınlıq gəlib.
Arena.az xəbər verir ki, Liqa 2-ni 2-ci sırada tamamlayan “Klermon” elitaya vəsiqə qazanıb.
Klerman-Ferran şəhərinin təmsilçisi klub tarixində ilk dəfə Liqa 1-ə yüksəlib.
Bundan əvvəl “Trua” klubu Liqa 1-ə vəsiqə qazanmışdı. Sözügedən komanda mövsümü ilk pillədə başa vurub.
Sonuncu vəsiqənin sahibi pley-off oyunlarından sonra müəyyənləşəcək. Liqa 2-də 70 xalla üçüncü olan “Tuluza”, 65 xalla dördüncü yeri tutan “Qrenobl”, həmçinin 5-ci sırada qərarlaşan “Paris” (64 xal) elitaya vəsiqə qazanmaq şansını saxlayır.
