“Barselona”nın yarımmüdafiəçisi Frenki de Yonq topuğundan aldığı üç zədədən sonra indiki vəziyyəti ilə bağlı məlumat paylaşıb.
Arena.az niderlandlı futbolçunun bu barədə məlumatını təqdim edir:
“İnsanlar mənim çox pul qazandığımı düşünürlər və cərrahi əməliyyat edilməli olduğumu deyirlər. Amma istəmirəm və mən məşq etmirəm, məzuniyyətdəyəm. Klubda hamı razılaşdı ki, cərrahi əməliyyat edilmək ən yaxşı seçimdir. Topuqdan aldığım eyni üç zədə mənə azacıq psixoloji zədə yetirib. Mən tədricən topa güclü zərbə vurmaq üçün inam qazanıram və mübarizə aparmağa çalışıram. Mən tezliklə qayıdacağam. Futbolla nəfəs alan bir oyunçu üçün oyundan kənarda qalmaq çox məyusedicidir”, deyə De Yonq vurğulayıb.
Frenki de Yonq Kataloniya klubunda yüksək maaş alması, eləcə də zədəli topuğunu cərrahi əməliyyat etdirməkdən imtina etməsi ilə bağlı yayılmış xəbərləri də təkzib edib:
“Jurnalistlər mənim haqqımda çox şey deyiblər: cərrahi əməliyyat edilmək istəmədiyimi və mənə çoxlu pul ödənildiyini. 37 milyon avro məbləğə yaxın rəqəmlər vardı. Amma gerçəklik bundan çox, çox uzaqdır. Bütün kartlarımı açıqlamağa hazır deyiləm, amma bu rəqəmlər həqiqətən şişirdilib. Çox pul qazandığımı, cərrahi əməliyyatdan imtina etdiyimi, məşq etmədiyimi və “məzuniyyətdə” olduğumu düşündüyü üçün əsəbiləşən insanları başa düşürəm, amma bunların heç biri doğru deyil”.
Frenki de Yonq futbola Tilburq təmsilçisi “Villem II” klubunda qədəm qoyub, buadan “Ayaks”ın futbol akademiyasına yol taparaq, Niderland nəhənginin düşərgəsində püxtələşib. 2019-cü ilin iyulunda “Barselona” 86 milyon avro məbləğ müqabilində Frenki de Yonqu “blauqra”nanın düşərgəsinə qatıb. Niderlandlı futbolçunun Kataloniya klubu ilə müqaviləsi 2026-cı ilin iyun ayının sonuna qədər qüvvədədir.
Geridə qalmış 2023/2024-cü illər mövsümündə De Yonq “Barselona”nın heyətində bütü yarışlarda 30 oyuna çıxıb, 2 qol vurub. De Yonqun “blauqrana”nın heyətində ümumi çıxışı rəqəmlərin gözü ilə belə mənzərə yaradır: 213 oyun, 17 qol, 21 məhsuldar ötürmə.
Frenki de Yonq 2018-ci ilin sentyabrında debüt etdiyi Niderland yığmasının heyətində 54 oyuna çıxıb, 2 qol vurub, 6 məhsuldar ötürmə verib.
“Transfermarkt” internet-portalı 27 yaşlı yarımmüdafiəçinin transfer dəyərini 70 milyon avro məbləğində qiymətləndirir.
