Sabah Bolqarıstanın paytaxtı Sofiyada güləş üzrə Dan Kolov və Nikola Petrovun xatirə turnirinə start veriləcək. Arena.az xəbər verir ki, martın 5-dək davam edəcək ənənəvi yarışda Azərbaycanı 9 güləşçi təmsil edəcək.
Sərbəst güləş üzrə yarışda İntiqam Vəlizadə (61 kq), Orxan Abasov, Abubakr Abakarov (hər ikisi 86 kq), İbrahim Yusubov (92 kq), Rahid Həmidli və Georgi Meşvildişvili (hər ikisi 125 kq) mübarizə aparacaq. Onlara məşqçilər Arif Abdullayev və Rövşən Hacıyev rəhbərlik edəcəklər.
Qadın güləşi üzrə millimizin baş məşqçi əvəzi Rövşən Umudov 3 idmançının xidmətindən istifadə edəcək. Sofiyada Mariya Stadnik, Türkan Nəsirova (hər ikisi 50 kq) və Elis Manolova (62 kq) Bolqarıstanda uğur qazanmağa çalışacaq.
Üçüncü dərəcəli beynəlxalq hakim Elgün Məmmədov beynəlxalq turnirdə ədaləti qoruyacaq.
