Türkiyənin “Qaziantep” klubunun iki futbolçusunda koronavirus aşkarlanıb.
Arena.az xəbər verir ki, bu barədə Super Liqa təmsilçisinin rəsmi saytı məlumat yayıb.
Xəbərdə klub kollektivindən götürülmüş sonuncu COVİD-19 testlərinin üçünün pozitiv çıxdığı diqqətə çatdırılıb. Koronavirus aşkarlananlardan ikisi futbolçu, biri isə klub işçisidir.
Bununla da “Qaziantep”də koronavirusa yoluxanların sayı dördə çatıb. Onların hamısı karantinə alınıb və nəzarətə götürülüb.
