“Qəbələ”nin Şimali Makedoniyadan olan yarımmüdafiəçisi İsnik Alimi əyalət təmsilçisində 50-ci oyununu keçirib. Arena.az xəbər verir ki, bu barədə Premyer Liqa klubunun rəsmi saytı məlumat yayıb.
28 yaşlı mərkəz yarımmüdafiəçisinin yubileyi Azərbaycan Premyer Liqasının 2022/23 mövsümünün 15-ci turuna təsadüf edib. “Sumqayıt”la səfərdəki matç onun üçün “qırmızı-qara” forma ilə 50-ci olub. 1:1 hesabı ilə nəticələnən qarşılaşmada hesabı da İsnik açıb. Bu, onun “Qəbələ”də 17-ci qolu olub.
İsnik Alimi Premyer Liqada 42 (14 qol), Azərbaycan kubokunda 6 (3 qol), avrokuboklarda 2 dəfə “qırmızı-qaralar”ın heyətində şans qazanıb.
Yarımmüdafiəçinin bu komandada debütü 2021-ci il avqustun 15-də “Neftçi” ilə səfərdəki çempionat görüşünə (2:2) təsadüf edib. O, “Qəbələ”nin tarixində 50 və daha çox oyun keçirən 53-cü futbolçudur.
