Avqustun 18-də səhər saatlarında İspaniyada naməlum şəxsin futbol meydanında 11 yaşlı uşağa bıçaqla hücum etdiyi barədə məlumat yayılıb.
Arena.az bu barədə “Marca” nəşrinə istinadən məlumat verir.
Hadisə Toledo əyalətinin Mosexon şəhərində baş verib və ölümlə nəticələnib.
Mənbənin məlumatına görə, İspaniya vaxtı ilə saat 10:00 radələrində uşaqlar “Anxel Tardio” futbol stadionunda idmanla məşğul ikən, kapüşonlu naməlum şəxs meydana daxil olaraq uşağı bıçaqlayıb. Xəsarət almış uşağı reanimasiya şöbəsinə təxliyə etmək üçün hətta helikopter göndərmiş Kastilya-La Mança 112 təcili xidmətinin səylərinə rəğmən, azyaşlının həyatını xilas etmək mümkün olmayıb.
Bildirilir ki, Mülki Qvardiya qatili tapmaq üçün artıq bütün şəhərə bir neçə bölmə yerləşdirib. 11 yaşlı uşağa hücumdan sonra onun niyyəti aqressiv olmağa davam edib. Nəticədə o, orada olan digər insanların hadisə yerindən qaçmasına səbəb olub.
Məhkəmə polisi bölməsi və Toledo komandanlığının məlumat bölməsi Mükli Qvardiyanın özü ilə əməkdaşlıq edərək, iddia edilən cinayətkarı tapmaq üçün fəaliyyətə keçib. ABC dərgisinin məlumatına görə, qəsbkar şəxs boz rəngli “Ford Mondeo” markalı avtomobillə qaçıb. Bundan əlavə, müəssisədə uşağın ölümünə səbəb olan şəxsin müəyyən edilməsini asanlaşdıracaq bir neçə müşahidə kamerası var. Təhqiqat davam edir.
