İngiltərənin “Mançester Siti” klubu müdafiəçisi Joao Kanselo ilə müqavilənin müddətini artırıb. Arena.az xəbər verir ki, bu barədə klubun mətbuat xidməti məlumat yayıb.
27 yaşlı futbolçu ilə müddəti 2027-ci ilin yayına qədər olan müqavilə imzalanıb.
Joao Kanselo 2019-cu ilin yayından “Mançester Siti”də çıxış edir. Portuqaliyalı müdafiəçi bu komandanın heyətində bütövlükdə 106 matça çıxıb, 8 qola imza atıb. “Benfika”nın yetirməsi olan futbolçu, bu komanda ilə yanaşı, “Valensiya”, “Yuventus” və Milan “İnter”ində də çıxış edib. Portuqaliya yığmasında 31 matça çıxan müdafiəçi, 5 qol da vurub.
