“Fənərbaxça”nın baş məşqçisi Joze Mourinyo milli komandanı hansı şərtlər altında çalışdıra biləcəyini açıqlayıb.
Arena.az jurnalst Alfredo Pedullanın saytına istinadən, portuqal mütəxəssisin bu barədə fikrini təqdim edir:
“Mənim məqsədim – “Fənərbaxça”da uğur qazanmaqdır. Klub mənim burada uzun müddət qalmağımı istəyir. Əvvəllər milli komandalardan təklif almışdım, bunları rədd etdim. Bu, məni xoşbəxt edəcək bir iş deyil: ayda bir və ya iki oyun, oyunçuların oyunlarına səyahət, yarışları güdüb-gözləmək. İndi çox güc-qüvvəm var. Bəlkə bir gün qocalanda və yorulanda milli komandanı çalışdıracağam, amma o məqam yetişməyib”, deyə “Mour” özünəməxsus tərzdə vurğulayıb.
Xatırladaq ki, 61 yaşlı Joze Mourinyo cari ilin iyuluna “Fənərbaxça”nın sükanı arxasına keçib. Portuqal mütəxəssis İstanbul klunu ilə müddəti 2026-ci ilin iyun ayının sonuna qədər qüvvədə olacaq müqavilə imzalayıb. “Fənər” “Mour”un qarşısında nə az, nə çox – klubun iddialarını gerçəkləşdirmək tapşırığını qoyub.
