Azərbaycan Premyer Liqasında mübarizə aparan “Kəpəz”in dövrələrarası fasilə dövrü üçün qış hazırlıq planı müəyyənləşib.
Arena.az xəbər verir ki, bu barədə Gəncə təmsilçisinin mətbuat xidməti məlumat yayıb.
Xəbərdə bildirilir ki, “sarı-göylər” yanvarın 2-də Gəncədə bir araya gələcəklər. Heyət Məşq Mərkəzində bir həftəlik təlim-məşq toplanışı keçirəcək.
Çempionata hazırlıq müddətində yoxlama oyunları da nəzərdə tutulub. Rəqiblərdən biri artıq məlumdur. “Kəpəz” yanvarın 9-da “Qarabağ” ilə qarşılaşacaq. Matç Bakıda baş tutacaq.
