Azərbaycanın gənclərdən ibarət milli komandasının hücumçusu Kamran Əliyev Tula “Arsenal”ında növbəti matçına çıxıb. Arena.az xəbər verir ki, 23 yaşlı futbolçu Rusiya Birinci Liqasının 10-cu turu çərçivəsində baş tutan “Kuban”la matçın iştirakçısı olub.
“Arsenal” səfərdə baş tutan bu qarşılaşmadan məğlubiyyətlə ayrılıb – 1:2. Hər hissədə bir qol buraxan Tula təmsilçisi yalnız 53-cü dəqiqədə vurduğu penalti qolu ilə təsəlli tapıb.
Kamran Əliyev bu matçın ilk dəqiqələrindən meydanda olub və 69-cu dəqiqədə əvəzlənib.
“Arsenal” 10 turdan sonra 16 xalla 7-ci pillədə qərarlaşıb.
