Azərbaycanlı karateçi Rafael Ağayevin peşəkarların mübarizə apardığı “Karate Combat”dakı növbəti rəqibi bəlli olub.
Arena.az xəbər verir ki, Azərbaycanın 5 qat dünya və 11 qat Avropa çempionu bu dəfə ABŞ-dan olan Coş Kuayhagenlə qarşılaşacaq.
Bu barədə sözügedən turnirin rəsmi saytı məlumat yayıb. Xəbərdə bildirilir ki, Tokio-2020 Yay Olimpiya Oyunlarının gümüş mükafatçısı olan Coş Kuayhagenlə azərbaycanlı döyüşçü arasındakı görüş iyunun 24-də keçiriləcək. Rafael Ağayevin bu rəqiblə döyüşü Florida ştatının Mayami şəhərində baş tutacaq.
Eyni gündə İsveçdən olan Samuel Erikssonla Fransanı təmsil edən Aleksandr Buderbeyn də üz-üzə gələcək.
Xatırladaq ki, Rafael Ağayev “Karate Combat” turnirində 2018-ci ildə debüt edib. Azərbaycanlı karateçi indiyə qədər bu turnirdə keçirdiyi 4 görüşün hamısından qalib ayrılıb.
