PSJ-nin fransız ulduz hücumçusu Kilian Mbappe gələn mövsümdə Paris təmsilçisindən gözləntiləri haqda danışıb.
Arena.az “RMC Sport”a istinadən Mbappenin fikirlərini diqqətinizə çatdırır:
“Növbəti mövsümdə PSJ-dən nə gözləyək? Heç nə. Mən buraya sadəcə futbol oynamaq üçün gəlmişəm. Mənim müqaviləm var. Mən futbol üçün buradayam. Klub əlindən gələni edir və bu, məni təmin edir. Qalanı isə mənim işim deyil”.
Cari mövsümdə Mbappe PSJ ilə Fransa çempionluğunu qazanıb. Hücumçu 29 qolla Liga-1-in ən sərrast futbolçusu adına sahib olub ki, bu, Mbappenin ardıcıl beşinci nailiyyətidir.
Kilian Mbappe cari mövsümdə 43 dəfə PSJ-nin heyətində meydana çıxıb, 41 qol vurub, 10 məhsuldar ötürmə ilə fərqlənib.
“Transfermarkt” internet-portalı Mbappeni 180 milyon avro məbləğində qiymətləndirir.
