Bu gün futbol üzrə Avropa Konfrans Liqasında 2024/2025-ci illər mövsümünün pley-off (1/16) mərhələsinin cavab görüşləri keçirilib.
Arena.az xəbər verir ki, bütün oyunlar eyni gündə baş tutub.
İspaniya təmsilçisi “Betis” Belçika “Gent”ini, Yunanıstan nəhəngi “Panatinaikos” isə İslandiya “Vikinqur”unu qəbul edib. Hər iki oyunun yekununda “Betis” və “Panatinaikos” mərhələ adlayan tərəf olub.
“Molde” (Norveç) İrlandiyada “Şemrok Rovers”i penalti seriyasında üstələyib.
Digər cavab oyunlarından sonra “Çelye”, “Yagelloniya”, “Kopenhagen”, “Borats” və “Pafos” da növbəti mərhələdə iştirak hüququ qazanıblar.
Qeyd edək ki, Avropa Konfrans Liqasında 1/8 final mərhələsinin püşkatma mərasimi fevralın 21-də keçiriləcək.
Avropa Konfrans Liqası
1/16 mərhələsinin cavab oyunları
20 fevral
“Haydenhaym” (Almaniya) – “Kopenhagen” (Danimarka) 1:3
Qollar: Leonardo, 73 – Şeyxa, 37. Diks, 53-pen. Hueskas, 114.
İlk oyun – 2:1
“Pafos” (Kipr) – “Omoniya” (Kipr) 2:1
Qollar: Bruno, 28. J.Silva, 65 – Yovetiç, 60.
İlk oyun – 1:1
“Olimpiya” (Sloveniya) – “Borats” (Bosniya və Herseqovina) 0:0
İlk oyun – 0:1
“Betis” (İspaniya) – “Gent” (Belçika) 0:1
Qol: Braun, 87.
İlk oyun – 3:0
“Şemrok Rovers” (İrlandiya) – “Molde” (Norveç) 0:1 (penaltilər 4:5)
Qol: Eykrem, 10.
İlk oyun – 1:0
“Panatinaikos” (Yunanıstan) – “Vikinqur” (İslandiya) 2:0
Qollar: Mladenoviç, 70. Tete, 90+5.
İlk oyun – 1:2
APOEL (Kipr) – “Çelye” (Sloveniya) 0:2
Qollar: Kuçis, 45+4. Svetlin, 51.
İlk oyun – 2:2
“Yagelloniya” (Polşa) – “Baçka Topola” (Serbiya) 3:1
Qollar: Hansen, 8. J.İmaz, 70. Radoyeviç, 76 – Lazetiç, 17.
İlk oyun – 3:1
