Bu gün futbol üzrə İspaniya çempionatında (La Liqa) 2022/2023 mövsümünün 35-ci turuna yekun vurulub. Arena.az xəbər verir ki, sonuncu oyun günündə dörd qarşılaşma baş tutub.
“Sevilya” – “Betis” matçında qapılara qol vurulmayıb. Üç qolun qeydə alındığı “Rayo Valyekano” – “Espanyol” matçında qonaqlar qalib gəliblər. Madrid “Atletiko”su doğma meydanda “Osasuna”nı 3 cavabsız qolla qalib gəlməklə UEFA Çempionlar Liqasına vəsiqəni təmin edib. Paytaxtın digər təmsilçisi “Real” isə bu dəfə “Valensiya” ilə səfər oyunundan xalsız ayrılıb.
Beləliklə, 35 turdan sonra 85 xala malik “Barselona” vahid liderdir. Madrid “Atletiko”su 72 xalla ikinci, “Real” 71 xalla üçüncüdür. “Real Sosyedad”ın 65, “Vilyarreal”ın 60, “Betis”in 56, “Atletik”in 50, “Jirona” ilə “Sevilya”nın 48, “Osasuna”nın 47, “Rayo Valyekano”nun 46, “Malyorka”nın 44, “Valensiya”nın 40 xalı var.
İspaniya, La Liqa
35-ci tur
19 may
Kadis – Valyadolid 2:0
Qol: Bonqonda, 69; 76-pen.
20 may
Jirona – Vilyarreal 1:2
Qol: D.Lopes, 24 – Pino, 9. Moreno, 90+4.
Atletik – Selta 2:1
Qol: İ.Uilyams, 5. Berencer, 54 – Larsen, 50.
Almeriya – Malyorka 3:0
Qol: Lazaro, 12; 42; 58.
Xetafe – Elçe 1:1
Qol: Munir Əl-Haddadi, 8 – Boye, 45+1.
Barseona – Real Sosyedad 1:2
Qol: Levandovski, 90 – Merino, 5. Sörlot, 72.
21 may
Rayo Valyekano – Espanyol 1:2
Qol: De Tomas, 42 – Darder, 23. Melamed, 59.
Atletiko – Osasuna 3:0
Qol: Karrasko, 44. Niqes, 62. Korrea, 82.
Valensiya – Real 1:0
Qol: D.Lopes, 33.
Sevilya – Betis 0:0
