Futbol üzrə İspaniya çempionatında (La Liqa) 33-cü turun oyunları keçirilir. Arena.az xəbər verir ki, bu gün daha üç qarşılaşma baş tutub.
Səfərdə “Selta” ilə qarşılaşan “Xetafe” 3 xalı 2 cavabsız qolla qazanıb.
Son turda “Sevilya” üzərində əzmkar qələbə qazanan (3:2) lider “Real” bu dəfə səfərdə “Osasuna” ilə qarşılaşıb. Madrid təmsilçisi bu oyunda inamlı qələbəyə sevinib.
Madridin digər təmsilçisi “Atletiko” isə “Qranada” ilə ev oyununda xal itkisi ilə üzləşib.
“Real”ın yaxın izləyicilərindən olan “Barselona”nı çətin oyun gözləyir. Xavinin komandası səfərdə “Real Sosyedad”la üz-üzə gələcək.
İspaniya La Liqası
33-cü tur
19 aprel
Malyorka – Alaves 2:1
Qol: Prats, 11. Muriqi, 45+4 – Raillo, 73-öz qapısına.
Betis – Elçe 0:1
Qol: Morente, 82.
Villarreal – Valensiya 2:0
Qol: Danjuma, 10-pen; 17.
20 aprel
Atletiko – Qranada 0:0
Selta – Xetafe 0:2
Qol: Mayoral, 23; 51.
Osasuna – Real 1:3
Qol: Budimir, 13 – Alaba, 12. Asensio, 45. Lukas, 90+6.
21 aprel
21:00. Levante – Sevilya
21:00. Espanyol – Rayo Valyekano
22:00. Kadis – Atletik
23:30. Real Sosyedad – Barselona
