Bu gün futbol üzrə Fransa çempionatında (Liqa 1) 2022/2023 mövsümünün sonuncu – 38-ci turunun oyunları keçirilib.
Arena.az xəbər verir ki, qapanış turunun bütün oyunları eyni gündə baş tutub.
Çempionluğu təmin etmiş PSJ son turda “Klermon”u qəbul edib. Beş qolun qeydə alındığı matç Paris təmsilçisinin məğlubiyyəti ilə başa çatıb.
“Oser” də “Lans”la, “Reyms” “Monpelye”ylə, “Brest” “Renn”lə, “Monako” isə “Tuluza”yla ev oyunundan məğlubiyyətlə ayrılıb.
“Ayaçço” Marsel “Olimpik”ini, “Loryan” “Strasburq”u, “Nant” “Anje”ni, “Nitsa” da Lion “Olimpik”ini məğlub yola salıb. “Trua” – “Lill” matçında isə tərəflər hərəyə 1 qol və 1 xalla kifayətləniblər.
Beləliklə, PSJ mövsümü 85 xalla birinci, “Lans” 84 xalla ikinci, Marsel “Olimpik”i isə 73 xalla üçüncü pillədə başa vurub. Bu üç komanda Fransanı qarşıdakı mövsümdə UEFA Çempionlar Liqasında təmsil edəcəklər. 68 xalla dördüncü yeri tutan “Renn” Avropa Liqasına vəsiqə qazanıb. 67 xalla beşinci olan “Lill”i isə Avropa Konfrans Liqasında mübarizə gözləyir.
“Oser” (35), “Ayaçço” (26), “Trua” (24) və “Anje” mövsümü son dörd pillədə başa vurduqları üçün Liqa 1-i tərk ediblər.
Fransa, Liqa 1
38-ci tur
3 iyun
Ayaçço – Olimpik (Marsel) 1:0
Qol: Vidal, 88.
Oser – Lans 1:3
Qol: Nyanq, 71 – Klod-Moris, 19; 48. Openda, 78.
Brest – Renn 1:2
Qol: Belkebia, 36-pen – Buriqe, 13; 45+3-pen.
Loryan – Strasburq 2:1
Qol: Fevr, 10; 36 – Belleqard, 57.
Monako – Tuluza 1:2
Qol: Ben Yedder, 78 – Abuxlal, 70. Hili, 90+4.
Nant – Anje 1:0
Qol: Qanaqo, 16.
Nitsa – Olimpik (Lion) 3:1
Qol: Boatenq, 5-öz qapısına. Laborde, 28. Moffi, 33 – Jeffinyo, 41.
PSJ – Klermon 2:3
Qol: S.Ramos, 16. Mbappe, 21-pen – Qastyen, 24. Zeffan, 45+1. Kiey, 63.
Reyms – Monpelye 1:3
Qol: Baloqun, 28 – Vahi, 54; 76. Nordin, 59.
Trua – Lill 1:1
Qol: R.Lopes, 72 – Diakite, 52.
