Futbol üzrə Fransa çempionatında (Liqa 1) 10-cu tura yekun vurulub. Arena.az xəbər verir ki, sonuncu oyun günündə daha 7 qarşılaşma baş tutub.
“Nitsa” “Trua”nı, “Renn” “Nant”ı, “Lill” isə “Lans”ı məğlub yola salıb. “Anje” evdə “Strasburq”a, “Klermon” da “Oser”ə uduzub.
Son turlarda ardıcıl qələbələrə imza atan “Monako” və “Loryan” bu turu da 3 xalla başa vurublar. “Monako” “Monpelye”ni, “Loryan” isə “Brest”i məğlub edib.
Beləliklə, 10 turdan sonra 26 xala malik PSJ vahid liderdir. “Loryan” 25 xalla ikinci pillədə qərarlaşıb. Üçüncü olan Marsel “Olimpik”inin 23 xalı var. “Lans” 21 xalla 4-cü, “Monako” 20 xalla 5-ci, “Renn” 18 xalla 6-cıdır.
Fransa, Liqa 1
10-cu tur
7 oktyabr
Olimpik (Lion) – Tuluza 1:1
Qol: Tete, 2 – Ratao, 67.
8 oktyabr
Olimpik (Marsel) – Ayaçço 1:2
Qol: Payet, 15 – Oko, 25.
Reyms – PSJ 0:0
9 oktyabr
Monpelye – Monako 0:2
Qol: Embolo, 45+1. Boadu, 80.
Anje – Strasburq 2:3
Qol: Hunu, 11. Blajiç, 87 – Qameyro, 7. Blajiç, 33-öz qapısına. Diallo, 58.
Brest – Loryan 1:2
Qol: Del Kastilyo, 17 – Moffi, 24; 53.
Klermon – Oser 2:1
Qol: Xaui, 55. Kyei, 58 – Jubal, 90+1.
Nitsa – Trua 3:2
Qol: Viti, 2. Delor, 37. Pepe, 50 – Şavalerin, 82. Konte, 90.
Renn – Nant 3:0
Qol: Quiri, 26. Terrye, 80. Due, 84.
Lill – Lans 1:0
Qol: David, 44-pen.
