Bu gün futbol üzrə Fransa çempionatında (Liqa 1) 2024/2025-ci illər mövsümünün 3-cü turunun oyunlarına start verilib.
Arena.az xəbər verir ki, ilk oyun günündə bir görüş baş tutub.
Avropa Liqasının Liqa mərhələsində Azərbaycan çempionu “Qarabağ”ın rəqiblərindən biri olan Lion “Olimpik”i doğma meydanda “Strasburq”la qarşılaşıb. 7 qolun qeydə alındığı matçın yekununda qələbəni lionlular bayram ediblər.
Bu, ilk iki turda məğlubiyyətə üzülmüş “Olimpik”in yeni mövsümdəki ilk qələbəsidir. Lion təmsilçisi hazırda 3 xalla 18 iştirakçı arasında 11-ci sırada qərarlaşıb.
3-cü turun qalan görüşləri şənbə və bazar günlərinə təsadüf edəcək.
Fransa, Liqa 1
3-cü tur
30 avqust
Olimpik (Lion) – Strasburq 4:3
Qollar: Tolisso, 45+2. Meytlend-Naylz, 61. Orban, 63; 72 – Nanasi, 3. A.Santos, 48. Emeqa, 58.
31 avqust
19:00. Brest – Sent Etyen
21:00. Monpelye – Nant
23:00. Tuluza – Olimpik (Marsel)
1 sentyabr
17:00. Monako – Lans
19:00. Anje – Nitsa
19:00. Havr – Oser
19:00. Reyms – Renn
22:45. Lill – PSJ
