Bu gün futbol üzrə UEFA Çempionlar Liqasında yarımfinal mərhələsinin daha bir oyunu keçirilib. Arena.az xəbər verir ki, bu dəfə “Liverpul”la “Vilyarreal” üz-üzə gəlib.
Unay Emerinin başçılıq etdiyi “Vilyarreal”ın Çempionlar Liqasında yarımfinala yüksəlməsi sensasiya sayıla bilər. Özü də, İspaniya komandası 1/4-də Almaniya nəhəngi “Bayern”i mübarizədən kənarlaşdırmaqla buna nail olub. “Vilyarreal”ın daha bir sürprizə imza atmağa gücü çatacaqmı, bunu “Liverpul”la oyunlardan sonra biləcəyik. İngiltərə təmsilçisi isə bu cütün aşkar favoriti hesab olunur.
Bu komandalar arasındakı ilk oyunda gözlənildiyi kimi, “Liverpul” inamlı qələbəyə sevinib. Cavab matçı isə mayın 3-də, İspaniyada keçiriləcək.
UEFA Çempionlar Liqasında yarımfinalın ilk oyunu ötən gecə “Real”la (İspaniya) İngiltərənin “Mançester Siti” komanda arasında baş tutub. İngiltərə təmsilçisi 7 qolluq bu qarşılaşmadan 4:3 hesablı qələbə ilə ayrılıb.
UEFA Çempionlar Liqası
Yarımfinalın ilk oyunu
27 aprel
Liverpul (İngiltərə) – Vilyarreal (İspaniya) 2:0
Qol: P.Estupinyan, 53-öz qapısına. S.Mane, 55.
Baş hakim: Şimon Marçinyak (Polşa).
Liverpul: Alisson, Trent Aleksander-Arnold, İbrahima Konate, Vircil van Deyk, Endryu Robertson, Fabinyo, Cordan Henderson, Tyaqo Alkantara, Məhəmməd Salah, Sadio Mane, Luis Dias.
Ehtiyat oyunçular: Adrian, Kyuvin Kelleher, Co Qomes, Joel Matip, Ris Uilyams, Aleks Oksleyd-Çemberlen, Nabi Keyta, Ceyms Milner, Harvi Elliott, Takumi Minamino, Dioqo Jota, Divok Oriqi.
Baş məşqçi: Yurgen Klopp.
Vilyarreal: Xeronimo Rulyi, Raul Albiol, Pau Torres, Daniel Parexo, Etyen Kapu, Xuan Foyt, Samuel Çukvueze, Fransis Koklen, Pervis Estupinyan, Covani Lo Çelso, Arno Danjuma.
Ehtiyat oyunçular: Serxio Asenxo, Filip Yorgensen, Serj Orye, Mario Qaspar, Aissa Mandi, İborra, Moi Qomes, Alfonso Pedrasa, Ruben Penya, Manu Triqeros, Bulaye Dia, Pako Alkaser.
Baş məşqçi: Unai Emeri.
