“İnter Mayami”nin uruqvaylı ulduzu, mərkəz hücumçusu Luis Suares görkəmində dəyişiklik edərək, diqqəti özünə çəkib.
Arena.az məlumat verir ki, uruqvaylı futbolçu saçlarını ağ rəngə boyayıb.
Futbolçunun fotosu ilə sosial şəbəkələrdə yayımlamış dərc “Suares üçün yeni saç düzümü” şərhi ilə tamamlanıb.
Xatırladaq ki, Luis Suares 2024-cü ilin yanvar ayından “İnter Mayami”də çıxış edir. Uruqvaylı mərkəz hücumçusu ABŞ klubu ilə 1 illik müqavilə bağlayıb. Müqavilə daha 1 mövsüm uzadılması haqda maddəni özündə ehtiva edir.
Təcrübəli hücumçu “vağlar”ın heyətində indiyə qədər 30 oyuna çıxıb, 21 qol vurub, 9 məhsuldar ötürmə verib.
Suares “İnter Mayami”dən öncə Braziliyanın “Qremio”, Uruqvayın “Nasyonal”, İspaniyanın “Barselona”, “Atletiko” (Madrid), Niderlandın “Ayaks”, “Qroningen”, İngiltərənin “Liverpul” klublarında da çıxış edib.
Luis Suares bir vaxtlar kapitanı sarğısını daşıdığı və artıq çıxışına xitam verdiyi Uruqvay yığmasının heyətində 2007-ci ilin fevralında debüt edib. Suares “seleste”nin heyətində 143 oyun keçirib, 69 qol vurub və 39 məhsuldar ötürmə verib. Luis Suares Uruqvay yığması ilə Amerika Kubokunun (2010/2011) qalibi olub.
“Transfermarkt” internet-portalı 37 yaşlı uruqvaylı mərkəz hücumçusunun transfer dəyərini 3 milyon avro məbləğində qiymətləndirir.
