Luk Şou Avropa çempionatlarının tarixinə düşdü

Futbol üzrə İngiltərə yığmasının müdafiəçisi Luk Şou Avropa çempionatlarının tarixinə düşüb. Arena.az xəbər verir ki, 25 yaşlı futbolçu buna AÇ-2020-nin finalında İtaliyaya qarşı keçirdikləri oyunda vurduğu qolla nail olub.

Belə ki, ingilis müdafiəçi qarşılaşmanın 2-ci dəqiqəsində hesabı açıb. Bununla da o, Avropa çempionatları tarixində rekord müəyyənləşdirib. Matçın startından 1 dəqiqə 57 saniyə sonra fərqlənən Luk Şou, Avropa çempionatlarının final oyunları tarixində ən erkən qola imza atıb.

Qeyd edək ki, final matçının əsas vaxtı heç-heçə bitib – 1:1. Əlavə vaxtda da hesab dəyişmədiyindən, qalibi müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən İtaliya millisi Avropa çempionu olub.