Mahir oynadı, “Legiya” 11-ci məğlubiyyətinə üzüldü

Futbol üzrə Polşa çempionatında 17-ci turun oyunları keçirilib. Arena.az xəbər verir ki, azərbaycanlı hücumçu Mahir Emrelinin formasını geyindiyi “Legiya” da növbəti matçına çıxıb.

Sözügedən kollektiv səfərdə “Krakoviya” ilə qarşılaşıb. Futbolçumuzun komandası bu oyundan məğlubiyyətlə ayrılıb – 0:1.

Bu, Varşava təmsilçisinin cari mövsüm ölkə çempionatında 11-ci məğlubiyyətidir.

Mahir də bu görüşün iştirakçısı olub. Millimizin hücumçusu start heyətdə meydana çıxıb və 51-ci dəqiqədə əvəzlənib.

17 turdan sonra 12 xalı olan “Legiya” 18 komanda arasında 16-cı pillədə qərarlaşıb. Bu komandanın ehtiyatda əvvəlki turlardan təxirə salınmış iki oyunu da var.