İngiltərənin “Mançester Siti” klubu “Brand Finance” konsaltinq şirkəti tərəfindən dünyanın ən dəyərli futbol brendi kimi tanınıb.
Arena.az xəbər verir ki, bu barədə dünya futbol brendlərinin reytinqini təqdim edən “Brand Finance” konsaltinq şirkətinin rəsmi saytı məlumat yayıb.
Xəbərdə bildirilir ki, Mançester klubunun dəyəri ötən illə müqayisədə 13% artıb və hazırda 1,56 milyard dollar dəyərindədir. Son 4 ildə birinci pillənin sahibi olmuş Madrid “Real”ı hazırda 1,51 milyard dollar dəyərində qiymətləndirilir və müvafiq cədvəldə ikinci sırada qərarlaşıb.
Reytinqdə üçüncü yeri “Barselona” tutub. Kataloniya klubu 1,42 milyard dollar məbləğində qiymətləndirilir.
“Mançester Siti” mövsüm tapşırıqlarını uğurla yerinə yetirib. Xosep Qvardiolanın yetirmələri Premyer Liqanı və İngiltərə Kubokunu qazanıblar. Qarşıda – İyunun 10-da “şəhərlilər”i Çempionlar Liqasının finalı çərçivəsində “İnter” sınağı gözləyir. Qalib gələcəyi halda “Siti” “trebl”ə imza atmış olacaq ki, müvafiq uğura ingilis komandalarından yalnız Aleks Ferqyusoun rəhbərlik etdiyi “Mançester Yunayted” nail olub.
- Mançester Siti – 1,562 milyard dollar
- Real – 1,513 milyard dollar
- Barselona – 1,425 milyard dollar
- Mançester Yunayted – 1,412 milyard dollar
- Liverpul – 1,411 milyard dollar
- PSJ – 1,174 milyard dollar
- Bayern – 1,140 milyard dollar
- Arsenal – 940 milyon dollar
- Tottenhem – 931 milyon dollar
- Çelsi – 893 milyon dollar
- Yuventus – 655 milyon dollar
- Atletiko – 570 milyon dollar
- Borussiya (Dortmund) – 562 milyon dollar
- İnter – 528 milyon dollar
- Milan – 371 milyon dollar
- Vest Hem – 320 milyon dollar
- Nyukasl – 259 milyon dollar
- Napoli – 249 milyon dollar
- Leypsiq – 231 milyon dollar
- Aston Villa – 222 milyon dollar
- Roma – 212 milyon dollar
- Ayntraxt – 210 milyon dollar
- Everton – 205 milyon dollar
- Bayer – 202 milyon dollar
- Sevilya – 196 milyon dollar
