İngiltərənin “Mançester Yunayted” klubu yarımmüdafiəçisi Andreas Pereyranı icarəyə verib. Arena.az xəbər verir ki, 25 yaşlı futbolçu Braziliyanın “Flamenqo” klubuna keçib.
Bu barədə Braziliya təmsilçisinin mətbuat xidməti məlumat yayıb. Pereyra 2021/22 mövsümünü “Flamenqo”da keçirəcək. Klub yeni yarımmüdafiəçisini satınalma şərti ilə icarəyə götürüb. “Qırmızı şeytanlar” bu keçidə görə icarə haqqı kimi 1 milyon avro qazanıb. Futbolçunun transfer hüquqlarını almaq üçün nə qədər ödəniləcəyi isə bilinmir.
2012-ci ildən “Mançester Yunayted”də çıxış edən Andreas Pereyra ötən mövsümü icarə əsasında İtaliyanın “Latsio” klubunda keçirib. O, İtaliya təmsilçisinin heyətində meydana çıxdığı 33 matçda 1 qol vurub, 4 məhsuldar ötürmə müəllifi olub.
Qeyd edək ki, “Mançester Yunayted” Braziliya əsilli belçikalı futbolçusunu daha öncə “Qranada” və “Valensiya”ya da icarəyə verib.
