İtaliyanın “Roma” klubunun albaniyalı mərkəz müdafiəçisi Maraş Kumbulla 2025/2026-cı illər mövsümünü də İspaniyada keçirəcək.
Arena.az xəbər verir ki, bu barədə İtaliya klubunun mətbut xidməti məlumat yayıb.
25 yaşlı müdafiəçi İspaniyanın “Malyorka” komandasına icarəyə verilib. Tərəflər arasında 1 mövsümlük müqavilə imzalanıb.
Xatırladaq ki, Kumbulla ötən mövsümü də icarə əsasında İspaniyanın digər klubu “Espanyol”da keçirib. O, burada 36 oyuna 3 qol vurub.
Gələn yay müdafiəçi 2027-ci ilin 30 iyununa qədər müqaviləsinin olduğu “Roma”ya qayıdacaq.
Maraş Kumbulla “Verona”nın yetirməsidir. “Roma” onu bu klubdan 26,5 milyona transfer edib. Müdafiəçi “canavarlar”ın əsas komandasında 68 oyuna çıxıb, 4 qol vurub. “Roma” Kumbullanı daha öncə “Sassuolo”ya da icarəyə verib.
Maraş Albaniya yığmasında 24 oyun keçirib, fərqlənə bilməyib.
“Transfermarkt” internet-portalı 25 yaşlı müdafiəçinin transfer dəyərini 7,5 milyon avro məbləğində qiymətləndirir.
