Türkiyənin “Fənərbaxça” klubu müdafiəçisi Marsel Tisserand ilə yollarını ayırıb. Arena.az xəbər verir ki, bu barədə İstanbul təmsilçisinin rəsmi saytı məlumat yayıb.
29 yaşlı futbolçunun Səudiyyə Ərəbistanının “Əl-İttifaq” klubuna keçdiyi diqqətə çatdırılıb. Lakin ərəblərin bu keçidə görə Türkiyə klubuna nə qədər ödədiyi açıqlanmayıb. Tisserandın yeni klubu isə onunla 3 illik müqavilə imzalandığını açıqlayıb.
Konqo Demokratik Respublikasından olan Marsel Tisserand 2020-ci ilin sentyabrında Almaniyanın “Volfsburq” klubundan 4 milyon avro qarşılığında “Fənərbaxça”ya keçmişdi. O, İstanbul təmsilçisində iki mövsüm ərzində 44 oyuna çıxıb, 1 qola imza atıb.
“Monako”nun yetirməsi olan Tisserand, bu komanda ilə yanaşı, “Lans”, “Tuluza”, “İnqolştadt” və “Volfsburq”un da uğurları üçün çalışıb. O, Konqo yığmasında 34 oyun keçirsə də, fərqlənə bilməyib.
