PSJ-nin ulduz hücumçusu Kilian Mbappenin təmsilçisi futbolçunun Paris klubu ilə müqaviləsi haqda vəziyyəti şərh edib.
Arena.az bu haqda “RMC Sport”a istinadən Mbappenin təmsilçisinin ərizəsini təqdim edir:
“Klub rəhbərliyi 2022-ci il iyulun 15-də müqavilənin uzadılması variantını aktivləşdirməmək qərarı ilə bağlı məlumatlandırılıb. Məktub yalnız əvvəllər şifahi olaraq müzakirə edilənlərin təsdiqi idi.
15 gün əvvəl məktubun göndərilməsi istisna olmaqla, bu ötən il ərzində bu məsələ bir daha müzakirə olunmayıb… Kilian Mbappe bu yay ayrılmaq istəmədi, gələn mövsümü də PSJ-də çıxış edəcək. O, kluba yalnız əlavə ilinin aktivləşdirilməyəcəyini təsdiqləyib”.
Vurğulayaq ki, Mbappe ətrafında yaranmış vəziyyət qeyri-müəyyən olaraq qalır.
