“İnter Mayami”nin və Argentina yığmasının ulduz hücumçusu Lionel Messi tarixin ən görkəmli idmançısı hesab etdiyi idmançıdan söbət açıb.
Arena.az SPORF dərgisinə istinadən məlumat verir ki, Messinin seçimi məşhur basketbolçu Maykl Cordanın üzərinə düşüb:
“Mən düşünürəm ki, idmana gəldikdə, ən görkəmlisi Maykl Cordandır. “Son rəqs” telesilsiləsinə baxdıqdan sonra mən dərindən ilhamlandım. Bu adamın kim olduğu haqqında daha çox öyrəndim”, deyə Messi bildirib.
“Əlahəzrət Hava” ləqəbli Maykl Cordan ikiqat Olimpiya çempionu və altıqat NBA çempionudur. Basketbol karyerası ərzində Cordan “Çikaqo Bullz” və “Vaşinqton Uizards” komandalarında oynayıb. Cordan 2009-cu ildə Basketbol Şöhrət Zalına daxil edilib, 2015-ci ildə isə FIBA Şöhrət Zalına üzv olub. Hazırda, 61 yaşlı Cordan NBA komandası “Şarlott Hornets”in sahibidir.
