Bu gün futbol üzrə UEFA Millətlər Liqasında 2024/2025-ci illər mövsümünün qrup mərhələsinin 5-ci turuna yekun vurulacaq.
Arena.az xəbər verir ki, turun sonuncu oyun günündə A, B, C və D Liqaları çərçivəsində 9 qarşılaşma baş tutacaq.
Azərbaycan millisinin Estoniya yığmasını qəbul edəcəyi gündə Türkiyə milli komandası da meydana çıxacaq. B Liqasının 4-cü qrupunda yer alan qardaş ölkə təmsilçisi evdə Uelslə üz-üzə gələcək.
A Liqasının 3-cü qrupunda Almaniya doğma meydanda Bosniya və Herseqovina, Niderland isə Macarıstan ilə görüşəcək.
C Liqasının 1-ci qrupunda millimizin rəqibləri İsveç və Slovakiya da münasibətlərə aydınlıq gətirəcəklər.
UEFA Millətlər Liqasında qrup mərhələsinin sonuncu turuna noyabrın 17-də start veriləcək.
UEFA Millətlər Liqası
Qrup mərhələsi, 5-ci tur
16 noyabr
A Liqası, 3-cü qrup
23:45. Almaniya – Bosniya və Herseqovina
23:45. Niderland – Macarıstan
Xallar: Almaniya – 10. Niderland – 5. Macarıstan – 5. Bosniya və Herseqovina – 1.
B Liqası, 1-ci qrup
21:00. Gürcüstan – Ukrayna
23:45. Albaniya – Çexiya
Xallar: Çexiya – 7. Gürcüstan – 6. Albaniya – 6. Ukrayna – 4.
B Liqası, 4-cü qrup
21:00. Monteneqro – İslandiya
23:45. Türkiyə – Uels
Xallar: Türkiyə – 10. Uels – 8. İslandiya – 4. Monteneqro – 0.
C Liqası, 1-ci qrup
18:00. Azərbaycan – Estoniya
23:45. İsveç – Slovakiya
Xallar: İsveç – 10. Slovakiya – 10. Estoniya – 3. Azərbaycan – 0.
D Liqası, 2-ci qrup
21:00. Andorra – Moldova
Xallar: Moldova – 6. Malta – 6. Andorra – 0.
