Futbol üzrə Azərbaycan millisinin hücumçusu Musa Qurbanlı İsveçin “Yurqorden” komandasında növbəti matçına çıxıb.
Arena.az xəbər verir ki, azərbaycanlı forvard bu gün İsveç çempionatının 24-cü turu çərçivəsində baş tutan AİK ilə oyunun iştirakçısı olub.
Sözügedən rəqiblə görüş səfərdə baş tutub. Futbolçumuzun komandası oyundan məğlubiyyətlə ayrılıb – 0:2.
Musa bu görüşə start heyətdə başlayıb və 53-cü dəqiqədə əvəzlənib.
Ardıcıl ikinci oyunda uduzan “Yurqorden” bu nəticədən sonra 40 xalla 16 iştirakçı arasında 4-cü pillədə qərarlaşıb.
Xatırladaq ki, Musa Qurbanlı bu ilin iyul ayında “Qarabağ”dan “Yurqorden”ə keçib. 21 yaşlı futbolçu İsveç klubu ilə 3 illik müqavilə bağlayıb. O, “Qarabağ”ın baş məşqçisi Qurban Qurbanovun oğludur. Musa “Yurqorden”də indiyə qədər 11 oyuna çıxıb, 3 qola imza atıb.
