Musa Qurbanlı və Ramil Şeydayev “Qarabağ”ın formasında Premyer Liqada yubiley qollarına imza atıblar. Arena.az xəbər verir ki, hər iki futbolçu Ağdam təmsilçisinin heyətində 10-a çatıb.
Bu, Azərbaycan Premyer Liqasının 1-ci turunda gerçəkləşib. “Səbail” üzərində 3:1 hesablı qələbə zamanı hesabı açan Musa 10-cu qolunu 21-ci oyununda vurub. Dubl müəllifi olan Ramil isə “Qarabağ”dakı 41-ci çempionat görüşündə bunu bacarıb. O, Azərbaycan çempionatında “Qarabağ” forması ilə ən azı 10 qol vuran 40-cı futbolçu olub. “Səbail”lə görüşədək 38 oyunçu bunu bacarmışdı.
Qeyd edək ki, Premyer Liqadakı ümumi qol sayında Ramil Şeydayev 16-ya, Musa Qurbanlı 11-ə çatıb.
Yeri gəlmişkən, “Səbail” Premyer Liqada 40-cı səfər məğlubiyyətini alıb. Bu, 2022/23 mövsümünün ilk turuna təsadüf edib. Premyer Liqaya “Qarabağ”a 1:3 hesablı məğlubiyyətlə başlayan Bakı klubu bunadək 39 səfərdən xalsız dönmüşdü. Paytaxt təmsilçisi rəqib meydanındakı 67 görüşdə 14 qələbə və 13 heç-heçəyə də nail olub.
Premyer Liqada 2017/18 mövsümündə debüt edən “Səbail” səfərdəki ilk məğlubiyyətini 2017-ci il avqustun 13-də “Zirə”dən alıb – 1:2.
