Futbol üzrə Azərbaycan millisinin hücumçusu Musa Qurbanlı İsveçin “Yurqorden” komandasında növbəti matçına çıxıb.
Arena.az xəbər verir ki, azərbaycanlı forvard bu gün İsveç çempionatının 23-cü turu çərçivəsində baş tutan “Varnamo” ilə oyunun iştirakçısı olub.
Sözügedən rəqiblə görüş “Yurqorden”in meydanında baş tutub. Futbolçumuzun komandası oyundan məğlubiyyətlə ayrılıb – 1:2.
Musa bu görüşə start heyətdə başlayıb və sonadək oynayıb.
“Yurqorden” bu nəticədən sonra 40 xalla 16 iştirakçı arasında 4-cü pillədə qərarlaşıb.
Xatırladaq ki, Musa Qurbanlı bu ilin iyul ayında “Qarabağ”dan “Yurqorden”ə keçib. 21 yaşlı futbolçu İsveç klubu ilə 3 illik müqavilə bağlayıb. O, “Qarabağ”ın baş məşqçisi Qurban Qurbanovun oğludur. Musa “Yurqorden”də indiyə qədər 10 oyuna çıxıb, 3 qola imza atıb.
