Futbol üzrə Azərbaycan millisinin hücumçusu Musa Qurbanlı İsveçin “Yurqorden” komandasında növbəti matçına çıxıb.
Arena.az xəbər verir ki, azərbaycanlı forvard bu gün İsveç çempionatının 2024-cü il mövsümünün ilk turu çərçivəsində baş tutan “Göteborq”la oyunun iştirakçısı olub.
“Yurqorden” sözügedən rəqiblə səfərdə qarşılaşıb. Beş qolun qeydə alındığı oyun futbolçumuzun komandasının qələbəsi ilə yekunlaşıb – 4:1.
Musa bu görüşün 70-ci dəqiqəsində, komandası 2:0 hesabıyla öndə olarkən meydana buraxılıb.
“Yurqorden” bu nəticədən sonra 3 xalla 16 iştirakçı arasında 3-cü pillədə qərarlaşıb.
Xatırladaq ki, Musa Qurbanlı 2023-cü ilin iyul ayında “Qarabağ”dan 500 min avro müqabilində “Yurqorden”ə keçib. 21 yaşlı futbolçu İsveç klubu ilə 3 illik müqavilə bağlayıb. O, “Qarabağ”ın baş məşqçisi Qurban Qurbanovun oğludur. Musa “Yurqorden”də indiyə qədər 20 rəsmi oyuna çıxıb, 3 qola imza atıb, 1 məhsuldar ötürmə müəllifi olub.
