Azərbaycan boksçusu Bilalhəbaşi Nəzərov Monteneqronun Budva şəhərində gənclər arasında keçirilən dünya birinciliyində finala yüksəlib.
Arena.az xəbər verir ki, 48 kq-da mübarizə aparan millimizin üzvü yarımfinalda Osman Çadqurla (Mərakeş) qarşılaşıb.
Görüş Bilalhəbaşinin 5:0 (30:26, 30:26, 30:26, 29:27, 30:26) hesablı qələbəsi ilə yekunlaşıb. Nəzərov finalda özbəkistanlı Safyiddin Sabirovla döyüşəcək.
Aynur Mikayılova (57 kq) isə dünya birinciliyini bürünc medalla başa vurub. O, yarımfinalda Pinar Benekə (Türkiyə) 1:4 hesabı ilə məğlub olub. Mikayılova bununla da gənc qız boksçular arasında ilk medal qazanan azərbaycanlı kimi tarixə düşüb.
Qeyd edək ki, Azərbaycanın daha 3 boksçusu yarımfinal görüşünə çıxacaq.
