Ukraynanın “Krivbas” klubunun mərkəz hücumçusu Oçe Oçoveçi bundan sonra “Qəbələ”nin uğurları üçün çalışacaq.
Arena.az xəbər verir ki, bu barədə əyalət klubu rəsmi saytı vasitəsilə məlumat yayıb.
Xəbərdə bildirilir ki, transfer çalışmalarını davam etdirən “Qəbələ” heyətinə daha bir futbolçu qatıb. “Qırmızı-qaralar” nigeriyalı Oçe Oçoveçi ilə anlaşıb. Ukrayna Premyer Liqasında mübarizə aparan “Krivbas”da çıxış edən 22 yaşlı futbolçu bir illik icarəyə götürülüb. O, cari mövsümün sonunadək (2025-ci ilin 30 iyununa qədər) “Qəbələ”nin uğurları üçün çalışacaq.
Oçe Oçoveçi karyerasına öz ölkəsinin “Platea Yunayted” komandasında başlayıb. O, Portuqaliya klubu “Feyrense”nin də formasını geyinib. “Krivbas”a bu ilin iyul ayında “Feyrense”dən keçmiş hücumçuya Ukrayna klubunda debüt etmək qismət olmayıb.
