2023-cü ilin sentyabr ayının 25-26-da Azərbaycanın paytaxtı Bakıda para-cüdo üzrə qran-pri turniri təşkil olunacaq. Arena.az xəbər verir ki, artıq bu yarışın yüksək səviyyədə keçirilməsini təmin etmək məqsədilə Təşkilat Komitəsi yaradılıb.
Təşkilat Komitəsinə sədrliyi Milli Paralimpiya Komitəsinin prezidenti, Beynəlxalq Görmə Məhdudiyyətli şəxslərin İdman Asossiyasiyasının (IBSA) vitse-prezidenti İlqar Rəhimov edəcək.
Milli Paralimpiya Komitəsinin (MPK) prezidentin köməkçisi, idman şöbəsinin müdiri Kamal Məmmədov Təşkilat Komitəsinin sədr müavini təyin edilib.
Adları aşağıda qeyd olunmuş şəxslər də Təşkilat Komitəsinə üzv kimi təyin ediliblər:
Elmar Babanlı – Beynəlxalq Görmə Məhdudiyyətli şəxslərin İdman Asossiyasiyasının cüdo idman komitəsinin Avropa üzrə koordinatoru
Kamran Talıbov – Azərbaycan Cüdo Federasiyasının idman direktoru, cüdonun təşkili və inkişafı şöbəsinin müdiri
Ağayar Axundzadə – Azərbaycan Cüdo Federasiyasının yarışların təşkili meneceri
Afaq Sultanova – Milli Paralimpiya Komitəsinin İcraiyyə Komitəsinin üzvü, paralimpiya çempionu
Rüfət Hacılı – Milli Paralimpiya Komitəsinin beynəlxalq əlaqələr və marketinq şöbəsinin müdiri
Afər Məhərrəmov – Milli Paralimpiya Komitəsinin maliyyə və təsərrüfat şöbəsinin müdiri
Azər Tapdıqov – Milli Paralimpiya Komitəsinin mətbuat katibi
Saday Abdullayev – Milli Paralimpiya Komitəsinin İdman şöbəsinin tibb üzrə aparıcı mütəxəssisi
Xatırladaq ki, para-cüdo üzrə qran-pri paytaxt Bakıda sayca üçüncü dəfə keçiriləcək.
