Britaniyalı məşhur jurnalist Pirs Morqan “Mançester Yunayted”in cari mövsüm İngiltərə Premyer Liqasını qazana bilməyəcəyini düşünür.
Arena.az məlumat verir ki, Morqan həmçinin “qırmızı şeytanlar”ın niderlandlı baş məqşçisi Erik ten Haqın bu iqtidarda olmadığı və buna heç zaman nail ola bilməyəcəyi fikrindədir:
“Ronaldo “Mançester Yunayted”lə üç Premyer Liqa qəniməti və bir Çempionlar Liqası kuboku qazanıb. Xeyriyyə məqsədinə sərf ediəlcək 10 min funt-sterlinq məbləğə mərc gəlirəm ki, o, heç vaxt “Mançester Yunayted”in sükanı arxasında nə bu, nə də digərini qazana bilməyəcək”, – Morqan özünün “X” sosial şəbəkə hesabı üzərindən paylaşıb.
Xatırladaq ki, “Arsenal”ın çılığın azarkeşi olan Pirs Morqan özünün iti tənqidi dili ilə tanınır. Mütəmadi olaraq Morqan Erik ten Haqa “dolaşır”, niderlandlı mütəxəssisi “Mançester Yunayted”i viranə qoymaqda ittinam edir. Morqanın əsas iradı portuqal ulduz hücumçu Kristiano Ronaldonun Erik ten Haq tərəfindən “Mançester Yunayted”dən didərgin salınması ilə bağlıdır.
Xatırladaq ki, Kristiano Ronaldo 2003-2009-cu və 2021-2022-ci illərdə “Mançester Yunayted”də çıxış edib. Portuqal ulduz “qırmızı şeytanlara” dəfələrlə əsas klub yarışlarından kubokları öz qənimətlər muzeyinə daşıyıb-aparıb, həmçinin çoxsaylı fərdi mükafatlar qazanıb.
Kristiano Ronaldo məhz “qırmızı şeytanlar”ın niderlandlı baş məşqçisi Erik ten Haqla fikir ayrılığı səbəbindən “Mançester Yunayted”i azad agent qismində tərk edərək, 2023-cü ilin yanvarında “Əl-Nəsr”ə keçmişdi.
Erik ten Haqa gəlincə, niderlandlı mütəxəssis “Mançester Yunayted”i 2022-ci ilin iyul ayından çalışdırır. Ten Haq “qırmızı şeytanlar”ı indiyə qədər 118 oyuna çıxarıb, 69 qələbə, 15 heç-heçə, 34 məğlubiyyət yaşayıb. Topların fərqi isə 216:169 nisbətindədir.
Bu il iyulun 4-də “Mançester Yunayted” Erik ten Haqla müqaviləsinin müddətini 2026-cı ilə qədər uzatdığını rəsmən açıqlayıb.
“Mançester Yunayted” bu mövsüm İngiltərə Premyer Liqadasın keçirdiyi 3 oyunda cəmi 3 xal qazanıb (1 qələbə, 2 məğlubiyyət) və 20 iştirakçı arasında 14-cü pillədə qərarlaşıb.
