UEFA-nın uzun müddətdir tərəfdaşı olan “Sony Interactive Entertainment” (SIE) 2026-2027 mövsümlərində də qurumun sponsoru olacaq.
Arena.az bu barədə qitənin ali futbol qurumunun rəsmi saytına istinadən məlumat verir.
3 illik müqaviləyə həmçinin UEFA Super Kuboku, Gənclər Liqası və futzal üzrə Çempionlar Liqası üçün sponsorluq hüquqları da daxildir.
SIE meydan ətrafındakı LED displeylər, mənzərə tərtibatı , mətbuat müsahibələri və yayım sponsorluqları vasitəsilə “PlayStation” mütləq tanınmasını qoruyacaq. SIE həmçinin Çempionlar Festivalında iştirak etmək üçün məxsusi imkanlardan istifadə etməyə davam edəcək.
UEFA-nın marketinq direktoru Qi-Loran Epşteynin sözlərinə görə, təşkilat yenidən SIE ilə işləməkdən məmnundur:
“Çempionlar Liqasının yeni dövrünə qədəm qoyduğumuz üçün “Sony Interactive Entertainment” ilə əməkdaşlığımızı davam etdirməkdən məmnunuq. SIE 1997-ci ildən dünyəvi sponsordur”, deyə Qi-Loran bildirib.
SIE həm də qadınların Çempionlar Liqasının, qadınlar arasında AÇ-2025-in, U-19 və U-17 Avropa çempionatının sponsorluğunu özündə əks etdirən UEFA qadın futbolunun sponsorudur.
