Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 6-cı turuna start verilib.
Arena.az xəbər verir ki, ilk oyun günündə bir qarşılaşma baş tutub.
Turun açılış matçında “Araz-Naxçıvan” “Kəpəz”i qəbul edib. Bu, sözügedən klubların Premyer Liqada 9-cu görüşü olub. Əvvəlki 8 oyunda Naxçıvan klubu 2, Gəncə təmsilçisi 6 qələbə qazanmışdı. Sülh tanımayan rəqiblərin duelində bu dəfə kimin sevinəcəyi maraq doğururdu. Son üç oyunda “Kəpəz” qalib gəlmişdi. Gəncəlilər son dörd matçın hamısında qol vurmuşdular.
Cari mövsümdə isə “Kəpəz” uğursuz çıxışı ilə diqqət mərkəzindəydi. Əvvəlki 5 turda xal hesabını aça bilməyən Gəncə təmsilçisi uğursuz gedişata “Araz-Naxçıvan”la matçda son qoymaq istəyirdi. Bu oyun həm də “Kəpəz”in yeni baş məşqçisi Azər Bağırov üçün debüt xarakteri daşıyırdı.
“Araz-Naxçıvan” isə 4 oyuna topladığı 7 xalla 4-cü pillədə qərarlaşmışdı. Elmar Baxşıyevin komandası autsayderi də yenməklə liderlər qrupundakı mövqeyini qorumaq arzusundaydı.
Bu görüşün taleyini bir qol həll edib. Yekunda “Araz-Naxçıvan” qalib gəlməklə “Kəpəz”in xal və qələbə həsrətini ən azı daha bir turluq uzadıb.
Premyer Liqa
6-cı tur
13 sentyabr
“Araz-Naxçıvan” – “Kəpəz” 1:0
Qol: Bernardo Dias, 76.
Hakimlər: Rəvan Həmzəzadə, Cəmil Quliyev, Şirmamed Mamedov, Elvin Bayramov.
VAR: Cavid Cəlilov.
AVAR: Namiq Hüseynov.
Hakim-inspektor: Anar Salmanov.
AFFA nümayəndəsi: Eldəniz Musayev.
Mərdəkan. “Dalğa Arena”
Araz-Naxçıvan: 12. Kristian Avram, 34. Ürfan Abbasov, 3. Bəxtiyar Həsənalızadə, 6. Vadim Abdullayev (k), 26. Ömər Buludov, 16. Ramon Maçado, 29. Vanderson Melo, 23. Nuno Rodriqes, 14. Miço Kuzmanoviç, 4. İqor Ribeyro, 97. Felipe Santos.
Ehtiyat oyunçular: 94. Tərlan Əhmədli, 1. Vüsal Şabanov, 2. Slavik Alxasov, 7. Ülvü İsgəndərov, 22. Elçin Mustafayev, 20. Turan Vəlizadə, 88. Tuqay Əlizadə, 19. Ramin Nəsirli, 11. Bayraməli Qurbanov, 24. Mustafa Əhmədzadə, 17. İssuf Paro, 10. Bernardo Dias.
Məşqçi: Rasim Ramaldanov.
Kəpəz: 1. Rojerio Santos, 2. İlkin Qırtımov, 11. Orxan Əliyev, 99. Əli Səmədov, 12. Turan Manafov, 70. Nicat Süleymanov, 5. Rauf Hüseynli, 8. Elmir Tağıyev, 78. Yeqor Xvalko (k), 10. Kərim Lkuça, 77. Viktor Braqa.
Ehtiyat oyunçular: 22. Məmməd Hüseynov, 80. Tural Rzayev, 7. Ehtiram Şahverdiyev, 20. Mahir Həsənov, 6. Nemət Musayev, 21. Camal Cəfərov, 17. Ümid Səmədov, 15. Cavad Kərimov, 28. Redon Mihana, 19. Lassana Ndiaye.
Baş məşqçi: Azər Bağırov.
