Bu gün futbol üzrə Azərbaycan çempionatında (Premyer Liqa) 2024/2025 mövsümünün 5-ci turunun növbəti oyunları keçiriləcək.
Arena.az xəbər verir ki, ikinci oyun günündə də iki qarşılaşma baş tutacaq.
Günün ilk oyunu Şamaxıda keçiriləcək. Burada “Şamaxı” yeni mövsümə o qədər də uğurlu başlamamış “Neftçi”ni sınağa çəkəcək. Roman Qriqorçukun komandası ilk qələbəsini qazanmağa çalışacaq. Amma “Şamaxı” doğma meydanda keçirəcəyi bu oyunda heç də uduzmağı planlaşdırmır. Məsələ burasındadır ki, bir illik fasilədən sonra yenidən elitaya qayıtmış komanda doğma publika önündə ilk sınağına çıxacaq. Bir sözlə, Ayxan Abbasovun kollektivi belə bir əlamətdar matçda ən azı xal qazanmağa çalışacaq.
“Şamaxı” ilə “Neftçi” daha öncə 74 oyunda qarşılaşıblar. 16 oyunda uduzub, 16 heç-heçə etmiş “Neftçi” 42 qələbə sevinci yaşayıb. “Şamaxı” son 6 görüşdə qələbə qazanmayıb. “Neftçi” son 14 matçda qol vurub.
Günün digər oyunu Tovuzda baş tutacaq. Rəqiblərini burada qəbul etmək məcburiyyətində qalan “Kəpəz” bu dəfə “Sabah”la üz-üzə gələcək. Adil Şükürovun istefası səbəbindən komandanı bu oyunda əvəzedicilərin baş məşqçisi Xaliq Mərdanov çıxaracaq. Əvvəlki oyunlarında nəinki xala, qola da həsrət olan Gəncə təmsilçisi nəhayət ki, bu oyunda “şeytanın qıçını sındırmağa” çalışacaq. Əvvəlki turlarda 7 xal toplamış paytaxt təmsilçisi isə səfərdən qələbə ilə qayıtmaqla lider “Turan Tovuz”un əsas izləyicisi kimi qalmağa çalışacaq.
Xatırladaq ki, “Kəpəz” indiyə qədər “Sabah”a qarşı keçirdiyi 8 oyunda qələbə qazana bilməyib. Cəmi 2 oyun heç-heçə bitdiyi halda, qalan 6 görüşdə “bayquşlar” 3 xala seviniblər. “Sabah” hər matçda 2 və ya daha çox qol vurub.
Premyer Liqa
5-ci tur
30 avqust
“Turan Tovuz” – “Səbail” 1:0
Qol: Alexandro Serrano, 34.
Hakimlər: Rəşad Əhmədov, Rəhman İmami, Cəmil Quliyev, Rəvan Həmzəzadə.
VAR: Elçin Məsiyev.
AVAR: Asiman Əzizli.
Hakim-inspektor: Asim Xudiyev.
AFFA nümayəndəsi: Asif Əliyev.
Tovuz şəhər stadionu, 17:45.
“Sumqayıt” – “Araz-Naxçıvan” 0:1
Qol: Miço Kuzmanoviç, 56.
Hakimlər: Cavid Cəlilov, Müslüm Əliyev, Kamran Bayramov, Kamran Əliyev.
VAR: Kamal Umudlu.
AVAR: Namiq Hüseynov.
Hakim-inspektor: Ramil Diniyev.
AFFA nümayəndəsi: Namiq Əliyev.
Mehdi Hüseynzadə adına Sumqayıt şəhər stadionu, 20:00.
31 avqust
“Şamaxı” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Elvin Bayramov.
VAR: Rauf Cabbarov.
AVAR: Vüsal Məmmədov.
Hakim-inspektor: Orxan Məmmədov.
AFFA nümayəndəsi: Elman Musayev.
Şamaxı şəhər stadionu, 17:00.
“Kəpəz” – “Sabah”
Hakimlər: Nicat İsmayıllı, Eyyub İbrahimov, Şirmamed Mamedov, Rəvan Həmzəzadə.
VAR: Rauf Allahverdiyev.
AVAR: Elşad Abdullayev.
Hakim-inspektor: Rəhim Həsənov.
AFFA nümayəndəsi: Rüfət Əmirov.
Tovuz şəhər stadionu, 19:30.
1 sentyabr
“Zirə” – “Qarabağ”
Hakimlər: İnqilab Məmmədov, Namiq Hüseynov, Rahil Ramazanov, Əli Əliyev.
VAR: Tural Qurbanov.
AVAR: Teymur Teymurov.
Hakim-inspektor: Ömər Paşayev.
AFFA nümayəndəsi: Erkin Hüseynov.
Zirə İdman Kompleksinin stadionu, 20:45.
