Bu gün futbol üzrə İngiltərə çempionatında (Premyer Liqa) 2022/2023 mövsümünün 36-cı turuna yekun vurulub. Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Lester Siti” doğma meydanda “Liverpul”la qarşılaşıb. Qonaqlar bu oyunda darmadağınla qalib gəliblər.
Beləliklə, Premyer Liqada sona iki tur qalmış 85 xala malik “Mançester Siti” zirvədə qərarlaşıb. Amma “şəhərlilər”in ehtiyatda da bir oyunu var. “Arsenal” 81 xalla ikincidirsə, “Nyukasl” və “Mançester Yunayted”in 66 xalı var. “Liverpul” 65, “Brayton” 58, “Tottenhem”lə “Aston Villa” 57, “Brentford” 53, “Fulhem” 51, “Çelsi” və “Kristal Pelas” 43 xal toplayıb.
Digər komandaların xal ehtiyatı belədir: “Vulverhempton” – 40. “Bornmut” – 39. “Vest Hem” – 37, “Nottingem Forest” – 34, “Everton” – 32. “Lids” – 31. “Lester Siti” – 30. “Sauthempton” – 24 xal.
İngiltərə, Premyer Liqa
36-cı tur
13 may
Lids – Nyukasl 2:2
Qol: Aylinq, 7. Kristensen, 79 – K.Uilson, 31-pen; 69-pen.
Aston Villa – Tottenhem 2:1
Qol: Remsi, 8. D.Luis, 72 – H.Keyn, 90-pen.
Çelsi – Nottingem Forest 2:2
Qol: Sterlinq, 51; 58 – Avoniyi, 13; 62.
Kristal Pelas – Bornmut 2:0
Qol: E.Eze, 39; 58.
Mançester Yunayted – Vulverhempton 2:0
Qol: Marsyal, 32. Qarnaço, 90+4.
Sauthempton – Fulhem 0:2
Qol: K.Vinisius, 48. Mitroviç, 72.
14 may
Brentford – Vest Hem 2:0
Qol: Mbeumo, 20. Vissa, 43.
Everton – Mançester Siti 0:3
Qol: İ.Gündoğan, 37; 51. Haland, 39.
Arsenal – Brayton 0:3
Qol: Enkizo, 51. Undav, 86. Estupinan, 90+6.
15 may
Lester Siti – Liverpul 0:3
Qol: K.Cons, 33; 36. Aleksandr-Arnold, 71.
