Bu gün futbol üzrə İngiltərə çempionatında (Premyer Liqa) 29-cu tura start verilib. Arena.az xəbər verir ki, ilk oyun günündə yeddi qarşılaşma baş tutub.
Altı qolun qeydə alındığı “Brayton” – “Brentford” matçında qalib müəyyənləşməyib. “Nottingem Forest” – “Vulverhempton” görüşündə də tərəflər hərəyə 1 qol və 1 xalla kifayətləniblər.
“Bornmut” “Fulhem”i, “Kristal Pelas” isə “Lester Siti”ni məğlub yola salıb. Mövsümün uğursuzlarından olan “Çelsi” isə bu dəfə “Aston Villa” ilə ev oyunundan məğlubiyyətlə ayrılıb.
Lider “Arsenal” doğma meydanda “Lids”i, əsas izləyicisi “Mançester Siti” də “Liverpul”u eyni hesabla (4:1) məğlub edib.
Turun qalan oyunları qarşıdakı iki gündə keçiriləcək.
İngiltərə Premyer Liqası
29-cu tur
1 aprel
Mançester Siti – Liverpul 4:1
Qol: X.Alvares, 27. De Bruyne, 46. İ.Gündoğan, 53. Qriliş, 74 – Salah, 17.
Arsenal – Lids 4:1
Qol: Q.Jezus, 35-pen; 55. Uayt, 47. Caka, 84 – Kristensen, 76.
Bornmut – Fulhem 2:0
Qol: Tavernye, 50. Solanke, 79 – A.Pereyra, 16.
Kristal Pelas – Lester Siti 2:1
Qol: İversen, 49-öz qapısına. Mateta, 90+4 – R.Pereyra, 56.
Brayton – Brentford 3:3
Qol: Mitoma, 21. Uelbek, 28. Makallister, 90-pen – Yansson, 10. Touni, 22. Pinnok, 49.
Nottingem Forest – Vulverhempton 1:1
Qol: Conson, 38 – Podense, 83.
Çelsi – Aston Villa 0:2
Qol: Uotkins, 18. Makqinn, 56.
2 aprel
17:00. Vest Hem – Sauthempton
19:30. Nyukasl – Mançester Yunayted
3 aprel
23:00. Everton – Tottenhem
