Futbol üzrə Azərbaycan Premyer Liqasında 2022/2023 mövsümünün 34-cü turunun oyunları keçirilir. Arena.az xəbər verir ki, bu gün daha bir qarşılaşma baş tutub.
Mövsümü üçüncü pillədə başa vuracağı dəqiqləşən “Neftçi” doğma meydanda autsayder “Şamaxı” ilə üz-üzə gəlib. Qarşılaşmada hesabı meydan sahibləri açıblar. Oyunun əvvəlində kapitan Emin Mahmudov qonaqların qapısına təyin olunmuş penaltini dəqiq yerinə yetirib. Amma “ağ-qaralar” bu üstünlüyü sonadək qoruya bilməyiblər. İkinci hissədə qonaqlar da penalti qazanıblar. Amil Yunanov da 11 metrlik zərbədən maksimum yararlanıb. Matçda başqa qol qeydə alınmayıb və tərəflər bu oyundan hərəyə 1 qol və 1 xalla ayrılıblar.
Xatırladaq ki, turun əvvəlki oyunlarında “Zirə” “Kəpəz”lə heç-heçəyə (1:1) razılaşıb, “Qəbələ” “Turan Tovuz”a (1:2), “Səbail” isə “Qarabağ”a (0:3) uduzub. Tura mayın 17-də keçiriləcək “Sumqayıt” – “Sabah” oyunu ilə yekun vurulacaq. Bu qarşılaşma “Sabah”ın ötən gün Türkiyənin “Beşiktaş” komandasına qarşı keçirdiyi xeyriyyə matçı ilə əlaqədar təxirə salınıb.
Azərbaycan Premyer Liqası
34-cü tur
14 may
“Neftçi” – “Şamaxı” 1:1
Qol: Emin Mahmudov, 12-pen – Amil Yunanov, 56-pen.
Hakimlər: Əliyar Ağayev, Zeynal Zeynalov, Cəmil Quliyev, Rauf Cabarov.
Bakı. “Bakcell Arena”, 20:30.
Neftçi: 1. İvan Brkiç, 8. Emin Mahmudov (k), 14. Eddi İsrafilov, 3. Höccət Haqverdi, 19. Azər Salahlı, 2. Mert Çelik, 10. Sezar Meza Kolli, 4. Solomon Kvirkveliya, 5. Kenni Sayef, 22. Kilan Lebon, 9. Mateus Saldanya.
Ehtiyat oyunçular: 30. Aqil Məmmədov, 93. Rza Cəfərov, 17. Rəhman Hacıyev, 26. Ömər Buludov, 21. İsmayıl Zülfüqarlı, 27. Fərid Yusifli, 84. Hüseyn Babayev, 41. Samir Həsənov, 91. Ağadadaş Salyanski, 92. Ömər Qurbanov, 23. Ataa Caber, 77. Yeqor Boqomolski.
Baş məşqçi: Laurentsiu Regekampf.
Şamaxı: 1. Rəşad Əzizli, 10. Elvin Məmmədov (k), 9. Amil Yunanov, 16. Fuad Bayramov, 70. Bahadur Həziyev, 5. Rəhman Daşdəmirov, 11. Kamran Quliyev, 22. Elçin Mustafayev, 18. Cəlal Hüseynov, 80. Zahid Mərdanov, 29. Ramin Əhmədov.
Ehtiyat oyunçular: 62. Abdulla Seydəhmədov, 99. Sahib Həsənov, 8. Kamal Mirzəyev, 17. Elçin Rəhimli, 27. İbrahim Aslanlı, 90. Əli Səmədov, 15. Emin Zamanov, 2. Rauf Hüseynli, 4. Arsen Ağcabəyov, 21. Qurban Səfərov, 97. Tapdıq Əhmədov, 23. Rövşən Şahmuradov.
Baş məşqçi: Vüqar Əsgərli.
