Futbol üzrə Azərbaycan Premyer Liqasında 2022/2023 mövsümünün 34-cü turunun oyunları keçirilir. Arena.az xəbər verir ki, bu günə nəzərdə tutulan iki qarşılaşmadan biri artıq başa çatıb.
Əvvəlcə “Qəbələ” doğma meydanda “Turan Tovuz”u sınağa çəkib. Üç qolun qeydə alındığı matç qonaqların qələbəsiylə bitib. İlk yarıda məğlub duruma düşən meydan sahibləri azlıqda da qalıblar. Buna baxmayaraq, “Qəbələ” hesaba tarazlıq gətirməyi bacarıb. Amma ikinci hissədə daha bir qol vuran “Turan Tovuz” çətin rəqibi üzərində qələbəyə sevinib.
Günün digər oyunu “Səbail”lə “Qarabağ” arasında baş tutacaq. Ağdam təmsilçisi bu oyunda qalib gəlsə, çempionluğunu rəsmiləşdirəcək.
Xatırladaq ki, turun “Zirə” ilə “Kəpəz” arasında baş tutan ilk matçında qalib müəyyənləşməyib – 1:1. “Neftçi” – “Şamaxı” matçı sabah keçiriləcək. Turan mayın 17-də keçiriləcək “Sumqayıt” – “Sabah” oyunu ilə yekun vurulacaq.
Azərbaycan Premyer Liqası
34-cü tur
13 may
“Qəbələ” – “Turan Tovuz” 1:2
Qollar: Rafael Utziq, 66 – Sadiq Quliyev, 54. Siyanda Xulu, 90+5.
Qırmızı vərəqə: Ürfan Abbasov, 56 (ikinci sarı).
Hakimlər: Nicat İsmayıllı, Pərvin Talıbov, Şirmamed Mamedov, Rəvan Həmzəzadə.
Qəbələ şəhər stadionu, 18:00.
Qəbələ: 1. Səlahət Ağayev, 2. İlkin Qırtımov, 34. Ürfan Abbasov (k), 27. Məqsəd İsayev, 91. Ramon Maçado, 4. Ruan Renato, 5. İsnik Alimi, 23. Rafael Utziq, 97. Felipe Santos, 6. Feras Abu Akal, 9. Əyyub Allaş.
Ehtiyat oyunçular: 13. Kristof Atanqana, 36. Elməddin Sultanov, 11. Asif Məmmədov, 28. Murad Musayev, 14. Ülvi İsgəndərov, 7. Rövlan Muradov, 33. Hüseyn Mürsəlov, 77. Emil Səfərov, 16. Nicat Əliyev, 17. Yaovi Akakpo, 10. Omar Hani, 8. Andrey Strijak.
Baş məşqçi: Elmar Baxşıyev.
Turan Tovuz: 85. Kamal Bayramov (k), 4. Şəhriyar Əliyev, 39. Sadiq Quliyev, 10. Xəyal Nəcəfov, 99. Veysəl Rzayev, 88. Faiq Hacıyev, 55. Siyanda Xulu, 30. Piruzi Marakvelidze, 25. Denis Marandiç, 19. Runi Eva, 9. Belaydi Pusi.
Ehtiyat oyunçular: 13. Mehman Hacıyev,, 3. Tərlan Quliyev, 77. Cavid Tağıyev, 7. Ehtiram Şahverdiyev, 33. Eltun Turabov, 8. Şakir Seyidov, 6. Turan Vəlizadə, 15. Vüsal Məsimov, 17. Natan Oduva, 24. Divayn Naa, 23. Okebuqvu Henri, 11. Ayxan Quseynov.
Baş məşqçi: Ayxan Abbasov.
