Futbol üzrə Azərbaycan Premyer Liqasında 2022/2023 mövsümünün sonuncu – 36-cı turunun oyunları keçirilir. Arena.az xəbər verir ki, ilk oyun gününün son matçında “Səbail” və “Şamaxı” komandaları üz-üzə gəliblər.
Bayılda baş tutan bu oyunda elitanı tərk edəcək komandanın adına aydınlıq gələcəkdi. “Səbail”ə elitadakı yerini qorumaq üçün heç-heçə də kifayət edirdi. “Şamaxı” isə yüksək liqadakı yerini qorumaq üçün mütləq bu rəqibinə qalib gəlməli idi. Amma görüş paytaxt təmsilçisinin qələbəsiylə yekunlaşıb. Nəticədə əyalət təmsilçisi elita ilə vidalaşmaq məcburiyyətində qalıb.
Xatırladaq ki, bu gün baş tutan ilk iki oyunda “Sumqayıt” “Zirə”yə uduzub (0:3), “Qəbələ” – “Kəpəz” matçı heç-heçə bitib – 1:1.
“Neftçi” – “Sabah” və “Qarabağ” – “Turan Tovuz” oyunları isə sabah keçiriləcək. Məhz bu oyunlardan sonra 2022/2023 mövsümünə yekun vurulacaq.
Azərbaycan Premyer Liqası
36-cı tur
27 may
“Səbail” – “Şamaxı” 1:0
Qol: Franko Mazurek, 45+1.
Qırmızı vərəqə: Elmir Tağıyev, 90+2.
Hakimlər: İnqilab Məmmədov, Akif Əmirəli, Pərvin Talıbov, Kamal Umudlu
“ASCO Arena”, 20:00.
Səbail: 1. Emil Balayev, 10. Ağabala Ramazanov (k), 2. Adil Nağıyev, 96. İlkin Muradov, 6. Cabir Əmirli, 3. Turan Manafov, 27. Emil Martinov, 99. David Qomis, 30. Franko Mazurek, 88. Matiya Lyuyiç, 23. Qustavo de Fransa.
Ehtiyat oyunçular: 12. Hüseynəli Quliyev, 14. Rahid Əmirquliyev, 9. Mirabdulla Abbasov, 7. Ruslan Hacıyev, 17. Rafael Məhərrəmli, 8. Elmir Tağıyev, 55. Nihad Qurbanlı, 77. Ədilxan Qarəhmədov, 22. Samir Abdullayev, 20. Mirəli Əhmədov, 21. Kizito Luvaqa, 5. Petro Stasyuk.
Baş məşqçi: Şahin Diniyev.
Şamaxı: 1. Rəşad Əzizli (k), 9. Amil Yunanov, 15. Emin Zamanov, 16. Fuad Bayramov, 70. Bahadur Həziyev, 5. Rəhman Daşdəmirov, 11. Kamran Quliyev, 22. Elçin Mustafayev, 4. Arsen Ağcabəyov, 18. Cəlal Hüseynov, 29. Ramin Əhmədov.
Ehtiyat oyunçular: 62. Abdulla Seydəhmədov, 12. Əkpər Vəliyev, 10. Elvin Məmmədov, 8. Kamal Mirzəyev, 17. Elçin Rəhimli, 27. İbrahim Aslanlı, 90. Əli Səmədov, 2. Rauf Hüseynli, 97. Tapdıq Əhmədov, 23. Rövşən Şahmuradov, 79. Emil Qasımov, 80. Zahid Mərdanov.
Baş məşqçi: Vüqar Əsgərli.
